HikoyaZULMATDAN YO‘L
1-FASL — BIRINCHI YORILISH
1-bob. Daraxt
O‘sha kuni hech kim dunyo o‘zgarishini kutmagan edi.
Ko‘p qavatli binoda hamma narsa odatdagidek edi. Kimdir darsiga shoshardi, kimdir deraza yonida telefon ko‘rardi, yana kimdir endigina uyg‘ongancha oshxonaga kirib kelardi.
Ammo binoning yuqori qavatlaridan birida g‘alati narsa sodir bo‘layotgan edi.
Avvaliga polning ichidan juda mayin g‘ichirlash eshitildi.
Keyin devorda ingichka yoriq paydo bo‘ldi.
Yoriq ichidan nimadir o‘sib chiqdi.
Ildiz.
U bir necha soniya ichida kattalashdi.
Keyin yana biri.
Yana biri.
Odamlar nima bo‘layotganini tushunishga ulgurmasidan, binoning ichida daraxt o‘sishni boshladi.
U oddiy daraxtga o‘xshamasdi.
Tanasi binoning ichida yuqoriga ko‘tarilar, ildizlari esa beton devorlar orasidan o‘tib, pastga qarab yoyilardi.
Kimdir qichqirdi.
Kimdir qochdi.
Kimdir esa shunchaki qotib qoldi.
Daraxt o‘sishda davom etdi.
Va yettinchi qavat atrofida uning tanasida g‘alati yoriq ochildi.
Undan sariq suyuqlik tomchilay boshladi.
Bir tomchi.
Ikki tomchi.
Keyin birdan—
BOOM!
Portlash butun binoni larzaga soldi.
Devorlarning bir qismi qulab tushdi.
Oynalar chil-chil bo‘ldi.
Chang havoga ko‘tarildi.
Va o‘sha kundan boshlab...
dunyo avvalgidek bo‘lmadi.
Muallif yangi bob qoʻshganda u shu kitob sahifasida paydo boʻladi. Muallifga obuna boʻling — oʻtkazib yubormaysiz.
Izohlar
0